جنيد خان جي ڀارتي اداڪارا اميشا پٽيل سان ملاقات، وڊيو وائرل

واشنگٽن (ويب ڊيسڪ)پاڪستان شوبز انڊسٽري جي مشهور اداڪار جنيد خان آمريڪا ۾ نئين سال جي حوالي سان منعقد تقريب دوران ڀارتي اداڪارا اميشا پٽيل سان ملاقات ڪئي.جنيد خان فوٽو ۽ وڊيو شيئرنگ ايپ انسٽاگرام تي نئين سال جي شروعات تي آمريڪا ۾ اپيشا پيٽيل سان ملاقات جي هڪ وڊيو ۽ ڪجهه تصويرون شيئر ڪيون آهن.اميشا پٽيل سان گڏ پنهنجي تصوير شيئر ڪندي هن لکيو ته 2023 پڄاڻي تي اچي رهيو آهي ۽ هن ڀيري ڪجهه خاص ماڻهن سان گڏ نئون سال ملهايو.جنيد خان اميشا پٽيل سان ملاقات تي خوشي جو اظهار ڪيو ۽ نيو ايئر نائيٽ تي سندس شاندار ڪارڪردگي کي به ساراهيو.پنهنجي پوسٽ جي آخر ۾ هن تقريب جي منتظمين جو به شڪريو ادا ڪيو جن کيس نئين سال جي شروعات لاءِ اهڙي شاندار تقريب ۾ شرڪت جي دعوت ڏني.جنيد خان پنهنجي انسٽاگرام اڪائونٽ تي هن نئين سال جي رات جي تقريب جي هڪ وڊيو پڻ شيئر ڪئي آهي.وڊيو جي شروعات ۾ مداحن کي تقريب ۾ جنيد خان ۽ اميشا پٽيل سان سيلفي وٺندي پنهنجي ڊانس پرفارمنس ڏيندي ڏسي سگهجي ٿو، جڏهن ته آخر ۾ ٻنهي اداڪارن کي هڪ ٻئي سان ڏاڍي خوشگوار گفتگو ڪندي به ڏسي سگهجي ٿو.

پهنجو تبصرو موڪليو