ڪوئٽه(ويب ڊيسڪ)بلوچستان ۾ برساتن ۽ ٻوڏ سبب مختلف حادثن ۾ وڌيڪ 9 ڄڻا فوت ٿي ويا، جنهن کانپوءِ صوبي ۾ فوتين جو انگ 225 ٿي ويو آهي.بلوچستان جي ضلعن قلعه عبدالله، پشين، قلعه سيف الله، دڪي ۽ هرنائي ۾ مسلسل طوفاني برساتن جو سلسلو جاري آهي، جنهن جي نتيجي ۾ قلعه عبدالله تي دولنگي ڊيم ٽٽي ويو، جڏهن ته ٻه اهم پل ۽ ڪيترائي رابطا رستا ٻڏي ويا.برساتن سبب ڪيترائي گهر ڊهي پوڻ جا اطلاع آهن، پشين جو بوستان وارو علائقو پاڻي هيٺ اچي ويو آهي، جڏهن ته ماڇي ۾ بي بي ناني پل جي هيٺان اونچا ٻوڏ جو پاڻي گذري رهيو آهي.ڊيرا مراد جمالي ۾ 220 ڪي وي گرڊ اسٽيشن ۾ ٻوڏ جو پاڻي داخل ٿي ويو، جنهن سبب بجلي جي فراهمي معطل ٿي وئي.مسلسل برساتن ۽ سيلابي ريل گاڏين سبب پنجاب-بلوچستان هاءِ وي پنجين ڏينهن به بند آهي.هوڏانهن ڪوئيٽا-جيڪب آباد هاءِ وي، زوب کان ڊي جي خان، بارکان تادي خان ۽ لسبيلا کان ڪراچي هاءِ وي ٽريفڪ لاءِ بند ٿي ويا آهن، جڏهن ته باب دوستي وٽ ڪارگو رستو پاڻي ۾ ٻڏي ويو، جنهن سبب پاڪ افغان واپار بحال نه ٿي سگهيو. . بلوچستان جي سمورن سرڪاري خانگي تعليمي ادارن ۾ اڄ کان 27 آگسٽ تائين موڪل جو اعلان ڪيو ويو آهي.
