واشنگٽن(ويب ڊيسڪ)سڄي دنيا ۾ مشهور سوشل ميڊيا ايپليڪيشن ٽوئٽر جي باني ايلون مسڪ ٽوئيٽ ۾ لفظن جو تعداد وڌائڻ جي تجويز کي سٺو خيال قرار ڏنو آهي.ايلون مسڪ جيئن ئي ٽوئيٽر جي چارج سنڀالي ته هن ان ۾ وڏي پئماني تي تبديليون ڪرڻ شروع ڪيون. ايلون مسڪ بليو ٽِڪ هولڊرز لاءِ ماهوار فيس جو اعلان ڪندي پاليسي ۾ وڏي تبديلي ڪئي ۽ تصديق ٿيل اڪائونٽس لاءِ ٽي ٽِڪس استعمال ڪرڻ کان علاوه معطل ڪيل اڪائونٽس جي بحالي جو اعلان ڪيو.سوشل ميڊيا استعمال ڪندڙن کي ٽوئٽ ڪرڻ دوران لفظن جي چونڊ ۾ تمام گهڻو محتاط رهڻو پوندو ڇو ته جيڪڏهن توهان 280 لفظن جي حد کان وڌيڪ هڪ لفظ لکندا آهيو ته توهان کي يا ته ان کي اضافي ٽوئيٽ نمبر ٻه سان گڏ ڪرڻو پوندو يا توهان کي پنهنجا لفظ محدود ڪرڻا پوندا.ان حوالي سان سوشل ميڊيا تي Raz Alerts نالي هڪ نيوز الرٽ طرفان هڪ پيغام لکيو ويو، جنهن ۾ چيو ويو ته ٽوئيٽر 2.0 لفظن جو تعداد 280 مان وڌائي 420 ڪري.ان ٽوئيٽ جو جواب ڏيندي ايلون مسڪ چيو ته اهو سٺو خيال آهي.
