ميلبورن (ويب ڊيسڪ)پاڪستان ڪرڪيٽ ٽيم جي اڳوڻي ڪپتان وسيم اڪرم جو چوڻ آهي ته اولمپڪ گولڊ ميڊلسٽ ارشد نديم جي ڪارنامي تي پوري دنيا حيران ٿي وئي آهي. ميلبورن ۾ ميڊيا سان ڳالهائيندي اڳوڻي ڪپتان وسيم اڪرم چيو ته اسان جي ملڪ ۾ ٽيلنٽ ته آهي پر ٽيلينٽ کي موقعا نه ملندا آهن، ارشد نديم پنهنجي محنت ۽ موقعن سان جيڪو ڪجهه ڪيو آهي ان تي پوري دنيا حيران آهي، اسان پاڪستاني آهيون ان تي فخر آهي، پر سڄي دنيا کي سندس حاصلات تي فخر آهي.هن چيو ته ارشد نديم جيڪو ڪارنامو سرانجام ڏنو آهي ان مان پوري قوم کي اميد آهي ته جيڪڏهن اسان وٽ موجود ٽيلينٽ کي موقعا ۽ سهولتون ڏنيون وڃن ته هو وڌيڪ ڪارناما سرانجام ڏئي سگهن ٿا، پاڪستان ۾ اهو ڪم آهي ته اتي سهولتون نه آهن، ٽيلينٽ کي پرورش نه آهي سمورن اسپورٽس باڊيز کي گڏجي سوچڻو پوندو ته فنڊ ڪيئن حاصل ڪيا وڃن، اسان کي گڏجي ويهڻ گهرجي ۽ اسٽيڊيم ٺاهڻ گهرجي، جيڪڏهن نوجوانن کي موقعو نه ڏنو ويو ته اهي فون تي ويهي رهندا
