پشاور(ويب ڊيسڪ)جميعت علماءِ اسلام (ف) جي سربراهه مولانا فضل الرحمان چيو آهي ته ملڪ جي هن بحران ۾ سياستدانن ۽ ادارن کي هڪ پيج تي گڏيل ۽ متحد ڪردار ادا ڪرڻو پوندو، ڪنهن کي بيوقوف نه بڻايو وڃي.پشاور ۾ قبائلي جرڳن ۽ واپارين کي خطاب ڪندي پاڪستان ڊيموڪريٽڪ موومينٽ (پي ڊي ايم) جي سربراهه مولانا فضل الرحمان چيو ته اهو متفقه فيصلو آهي ته حڪومت پنهنجو مدو پورو ڪندي.هن چيو ته ملڪ سڀني جو آهي، ملڪ ٻڏي ٿو ته فوج به ٻڏندي، بيوروڪريسي به ٻڏندي ، هوائي فوج به ٻڏندي.هن چيو ته عالمي طاقتون جبر جي زور تي پنهنجا فيصلا ڪمزور قومن تي مسلط ڪن ٿيون، جيڪا قوم مقامي اسٽيبلشمينٽ تي دٻاءُ وجهي پنهنجا فيصلا پنهنجي عوام تي مسلط ڪري ٿي ان جو مستقبل ڇا هوندو.مولانا فضل الرحمان چيو ته ظاهر آهي اڄ توهان جيڪي شڪايتون ڪري رهيا آهيو اهي سڀ توهان کي ٻڌايون آهن، مون کي چيو ويو ته مولانا صاحب توهان قبائلين جا نمائندا نه آهيو، توهان قبائلين جي ڳالهه ڇو ٿا ڪريو؟ ۽ قبيلن جا سمورا نمائندا اسان سان گڏ آهن.هن چيو ته مون کي ٻڌايو ويو ته قبائلين جا 19 نمائندا آهن جن مان 4 توهان سان گڏ آهن ۽ باقي اسان سان گڏ آهن پر انهن 15 جا هٿ پير بند ٿيل آهن، مان فاٽا جي انضمام خلاف بيان ڏيندس.
