واشنگٽن (ويب ڊيسڪ)وفاقي وزير خزانه محمد اورنگزيب چيو آهي ته آءِ ايم ايف قومي مفاد جي خلاف پاڪستان تي ڪا به شرط لاڳو نٿو ڪري سگهي.واشنگٽن ۾ پريس ڪانفرنس ڪندي هن چيو ته هاڻي تائين سڀئي سڌارا پاڪستان جي پنهنجي معاشي ترجيحن جي مطابق آهن، آءِ ايم ايف پروگرام تحت ڪيل سڌارن معيشت کي مستحڪم ڪيو آهي.محمد اورنگزيب جو چوڻ آهي ته پاڪستان کي 31 ڊسمبر تائين آءِ ايم ايف کان 1.2 ارب ڊالر جي قسط ملڻ جي اميد آهي، آءِ ايم ايف ايگزيڪيوٽو بورڊ جلد ئي هڪ اجلاس ۾ معاهدي جي منظوري ڏيندو، وزير خزانه چيو ته آمريڪا سان هڪ کان ٻن هفتن ۾ واپاري ۽ ٽيرف معاهدو متوقع آهي، حڪومت نيويارڪ ۾ روزويلٽ هوٽل جي نجڪاري بابت فيصلي جي ويجهو آهي.
