اسلام آباد(بيورو رپورٽ) پاڪستان ۽ ڀارت ايٽمي تنصيبات ۽ سهولتن جي فهرستن جو تبادلو ڪيو.پرڏيهي آفيس جي ترجمان طاهر حسين اندرابي هفتيوار پريس بريفنگ دوران چيو ته نئين سال جي شروعات ۾، پاڪستان ۽ ڀارت قيدين جي فهرستن جو تبادلو ڪيو. پاڪستان ۾ 257 هندستاني قيدين جي فهرست جو تبادلو ڪيو ويو، جڏهن ته هندستان جي پرڏيهي وزارت نئين دهلي ۾ پاڪستاني هاءِ ڪميشن جي نمائندي کي هندستان جي فهرست فراهم ڪئي.طاهر حسن اندراني چيو ته پاڪستان ۽ ڀارت جي وچ ۾ ايٽمي تنصيبات جي فهرست جو تبادلو پڻ 1 جنوري تي ٿيو آهي. ٻنهي ملڪن هڪ ٻئي کي ايٽمي تنصيبات جي فهرست پڻ ڏني.ان حوالي سان سفارتي ذريعن جو چوڻ آهي ته پاڪستان ۽ ڀارت 31 ڊسمبر 1988 تي ايٽمي تنصيبات تي معاهدي تي صحيحون ڪيون. معاهدي تحت، ٻئي ملڪ هر سال 1 جنوري تي ايٽمي تنصيبات ۽ سهولتن جي فهرستن جو تبادلو ڪندا آهن.پرڏيهي آفيس جي ترجمان چيو ته پاڪستان يمن ۾ صورتحال کي معمول تي آڻڻ لاءِ علائقائي ڪوششن جو استقبال ڪري ٿو، ۽ يمني تڪرار جي پرامن حل جي حمايت ڪري ٿو. پاڪستان سعودي عرب سان پنهنجي مڪمل يڪجهتي جو اظهار ڪري ٿو.هن چيو ته پاڪستان اسرائيل جي صومالي لينڊ کي الڳ ملڪ طور تسليم ڪرڻ جي قدم کي مڪمل طور تي رد ڪري ٿو، ۽ پاڪستان صوماليا جي خودمختياري ۽ علائقائي سالميت جي حمايت ڪري ٿو.
