اسلام آباد (بيورو رپورٽ)پي ٽي آءِ اڳواڻ شير افضل مروت چيو آهي ته فواد چوڌري کي پي ٽي آءِ جي موجوده قيادت تي تنقيد ڪرڻ جو حق ناهي.ميڊيا سان ڳالهائيندي شير افضل مروت جو چوڻ هو ته ان ڏينهن پوليس کي ڏسي فواد چوڌري هاٿي وانگر ڀڄڻ لڳو، فواد چوڌري جي ڀڄي وڃڻ سڄي پي ٽي آءِ جو ڪنڌ جهڪائي ڇڏيو.سندس چوڻ هو ته فواد چوڌري ڪنهن کي به صلاح نه ڏي، پي ٽي آءِ جي قيادت ڪيتري به ناڪام ٿي وڃي، پر گهٽ ۾ گهٽ باني صاحب ڏکئي وقت ۾ پي ٽي آءِ سان گڏ بيٺا آهن، پي ٽي آءِ جي موجوده قيادت ڏکئي وقت ۾ فواد چوڌري وانگر ڊوڙي پوليس کي ڏٺو ۽ هاٿي وانگر ڀڄي ويو.
