اسلام آباد (بيورو رپورٽ)پاڪستان ۾ غير قانوني طور تي رهندڙ افغانين جي مختلف طريقن سان وطن واپسي جو سلسلو جاري آهي.ڪالهه 5 نومبر تي 6 هزار 584 غير قانوني افغاني پنهنجي ملڪ روانا ٿيا، 892 غير قانوني خاندان 223 گاڏين ۾ افغانستان روانا ٿيا.هينئر تائين ڪل 188,738 غير قانوني افغان پنهنجي وطن واپس اچي چڪا آهن.افغان ڪمشنر تصديق ڪئي آهي ته گذريل 24 ڪلاڪن دوران طورخم مان 6 هزار 584 پرڏيهي وطن واپس آيا آهن، هولڊنگ سينٽر ۾ نادرا عملو افغانستان واپس ويندڙن جو ڊيٽا گڏ ڪري ورتو آهي.افغان ڪمشنر تصديق ڪئي آهي ته پهرين آڪٽوبر کان 174,000 کان وڌيڪ افغان شهري افغانستان ويا آهن.طورخم بارڊر تي غيرقانوني طور رهندڙ افغانين جو به وڏو انگ وطن واپسي لاءِ موجود آهي.پاڪستان ۾ غير قانوني طور رهندڙ ماڻهن کي قانوني گهرجون پوريون ڪري واپس موڪليو پيو وڃي.ضروري قانوني ڪارروائي کانپوءِ انهن افغان شهرين کي طورخم بارڊر تي خاص گاڏين ۾ افغانستان موڪليو پيو وڃي.ٻئي طرف پاڪستان مان غير قانوني طور رهندڙ پرڏيهين جي واپسي لاءِ لينڊي ڪوتل ۾ ٽرانزٽ ڪيمپ پڻ قائم ڪيو ويو آهي.ڪيمپ ۾ نادرا اهلڪارن بائيو ميٽرڪ ذريعي خاندان جي سربراهه جو ڊيٽا گڏ ڪيو، ڪسٽم اهلڪارن سان گڏ عورت ڪسٽم اهلڪار به ضروري ڪارروائي لاءِ مقرر آهن.نادرا غير قانوني افغان شهرين جي وطن واپسي لاءِ خيبرپختونخواهه ۾ به پنهنجون خدمتون فراهم ڪري رهيو آهي،افغانستان واپس ويندڙ شهرين جي رجسٽريشن لاءِ نادرا 22 موبائيل وين لنڊي ڪوتل پهچايو، ٽرانزٽ پوائنٽ تي 20 ڪائونٽر پڻ قائم ڪيا ويا آهن جن ۾ موبائل وين جي سهولت به موجود آهي، نادرا جا 140 ملازم بغير ڪنهن وقفي جي ڏينهن رات پنهنجا فرض سرانجام ڏئي رهيا آهن. ڏئي رهيا آهن،پهرين نومبر کان نادرا روزاني رجسٽريشن جي گنجائش وڌائي 15 هزار ڪري ڇڏي آهي.
