هالي ووڊ جو ليجنڊ اداڪار ڪرڪ ڊوگلس وڇڙي ويو

ڪراچي (ويب ڊيسڪ) هالي ووڊ تي ستن ڏهاڪن تائين راڄ ڪندڙ مشهور اداڪار، هداتڪار ۽ پروڊيوسر ڪرڪ ڊوگلس پنهنجي چاهيندڙن مان هميشهه لاءِ وڇڙي ويو. ڪرڪ ڊوگلس اسٽيج اداڪاري سان گڏ وڏي اسڪرين تي به اداڪاري جا جوهر ڏيکاريا جنهن ۾ ان جي مشهور ٽي وي سيريز اسپارٽڪس به شامل آهي جنهن ۾ هن بهترين ڪردار ادا ڪندي ماڻهن جي دلين ۾ جاءِ ٺاهي هئي. 19 16 ۾ پيدا ٿيندڙ ڪرڪ ڊوگلس هالي ووڊ جي ڪيترن ئي سپر هٽ فلمن ۾ ڪردار ادا ڪيو ۽ 1949 ۾ پهريون ڀيرو ان جي فلم چيمپئن آسڪر ايوارڊ لاءِ نامزد ڪيو ويو. 103 سالن جي عمر ۾ انتقال ٿيندڙ ڪرڪ ڊوگلس پنهنجي پوري فني ڪيريئر دوران 100 کان وڌيڪ فلمن ۾ اداڪاري جا جوهر ڏيکاريا. ڪرڪ ڊوگلس جو پٽ ۽ مشهور فلم ڊائريڪٽر مائيڪل ڊوگلس پنهنجي والد جي موت تي افسوس جو اظهار ڪندي چيو ته هو پوري دنيا لاءِ هڪ سونهري دور لاءِ ليجنڊ هيو پر اسان ڀائرن جوئل ۽ پيٽر لاءِ صرف هڪ پيءَ هيو مان پنهنجي والد سان تمام گهڻو پيار ڪيان ٿو ۽ مون کي ڪرڪ ڊوگلس جو پٽ هجڻ تي فخر آهي. واضح رهي ته ان جا پٽ مائيڪل ڊوگلس به پنهنجي بهترين اداڪاري سبب آسڪر ايوارڊ کٽي چڪو آهي.

پهنجو تبصرو موڪليو