فيصل آباد: (ويب ڊيسڪ) ننڪانه ضلعي ۾ پوليس جو هڪ مبينا پوليس مقابلو ٿيو، جنهن دوران ٻه ڌاڙيل مارجي ويا.پوليس اختيارين جو چوڻ آهي ته ڌاڙيل جڙانوالا سيد والا روڊ تان هڪ گاڏي ڦر ڪري ننڪانه ڏانهن فرار ٿي ويا هئا. پيڇو دوران، ڌاڙيلن سرڪل بدر گهر جي سيد والا علائقي ۾ پوليس کي ڏسي انڌاڌنڌ فائرنگ ڪئي.پوليس اختيارين جو وڌيڪ چوڻ هو ته فائرنگ جي تبادلي ۾ ٻئي ڌاڙيل موقعي تي مارجي ويا. مارجي ويل ڌاڙيلن جي سڃاڻپ سعيد ۽ آصف جي نالي سان ٿي آهي. ڌاڙيلن جي لاشن کي ضروري ڪارروائي لاءِ اسپتال منتقل ڪيو ويو آهي.پوليس اختيارين جو چوڻ آهي ته ڌاڙيلن جي ٻين ساٿين کي گرفتار ڪرڻ لاءِ به ڪارروائي ڪئي وئي آهي، جن کي جلد ئي حراست ۾ ورتو ويندو. مارجي ويل ڌاڙيل سنگين واقعن ۾ ملوث هئا، جن جو مجرمانه رڪارڊ پڻ چيڪ ڪيو پيو وڃي.
