راولپنڊي (ويب ڊيسڪ) فيلڊ مارشل سيد عاصم منير چيو آهي ته نشانو بازي فوجي تربيت جو بنيادي جزو رهڻ گهرجي.پاڪستان فوج جي پبلڪ رليشنز ڊپارٽمينٽ موجب، 45 هين پاڪستان آرمي رائيفل ايسوسيئيشن سينٽرل ميٽ جي اختتامي تقريب جهلم ۾ منعقد ٿي، جنهن ۾ فيلڊ مارشل جنرل عاصم منير مهمان خاص طور تي شرڪت ڪئي.پاڪستان فوج، هوائي فوج، بحريه، سول آرمڊ فورسز ۽ صوبائي ٽيمن هن شوٽنگ مقابلي ۾ حصو ورتو، 45 هين پي اي آر اي سينٽرل ميٽ ۾ ٻه هزار کان وڌيڪ نشانو بازن حصو ورتو.پاڪستان فوج ٽيون انٽر سروسز ڪمبيٽ شوٽنگ چيمپئن شپ 2025 کٽيو، پاڪستان آرمي چارئي انٽر سروسز ميچ کٽيا، پنجاب رجمينٽ يونٽ فائرنگ پروفيشنسي ميچ گروپ ون ۾ پهرين پوزيشن حاصل ڪئي.پنجاب رجمينٽ جي سپاهي محمد عرفان کي ماسٽر ايٽ آرمز قرار ڏنو ويو، آرمي مارڪس مين شپ يونٽ جي نائب صوبيدار عمر فاروق آرمي هينڊريڊ رائفل ميچ ٽرافي کٽي.هن موقعي تي آرمي چيف جنرل سيد عاصم منير شرڪت ڪندڙن جي شاندار نشانو بازي جي تعريف ڪئي ۽ چيو ته نشانو بازي جي صلاحيتن کي فوجي تربيت جو بنيادي حصو رهڻ گهرجي.ان کان علاوه، آرمي چيف ملٽري ڪاليج جهلم جي صد سالا تقريب ۾ پڻ شرڪت ڪئي، صد سالا يادگار ۽ ڪاليج ميوزيم جو افتتاح ڪيو، ۽ ڪاليج جي هڪ صدي تي مشتمل شاندار خدمتن کي خراج تحسين پيش ڪيو.آرمي چيف چيو ته ملٽري ڪاليج جهلم قيادت، نظم و ضبط ۽ حب الوطني کي فروغ ڏنو. هن شهيدن جي يادگار تي گل رکيا. ان کان اڳ، فيلڊ مارشل سيد عاصم منير جي آمد تي، ڪور ڪمانڊر راولپنڊي ۽ آءِ جي ٽريننگ اينڊ ايويليوايشن سندس استقبال ڪيو.
