ڪراچي (اسٽاف رپورٽر) زراعت، اينٽي ڪرپشن، راندين واري وزير سردار محمد بخش مهر چيو آهي ته مراد علي شاهه بهترين ڪم ڪري رهيو آهي، سنڌ ۾ وڏي وزير جي تبديلي جو اڃان ڪوئي امڪان ناهي، پنهنجي بيان ۾هن چيو ته سنڌ جو وڏو وزير هڪ قابل انسان آهي ۽ ان جي سربراهي ۾ اسان اڳتي وڌي رهيا آهيون، هن چيوته سنڌ حڪومت صوبي ۾ زرعي دوائون، ڀاڻ ۽ ٻج لاءِ زرعي گريجوئيشن جي ذريعي لائسنس جاري ڪرڻ جا شرط لاڳو ڪرڻ جو فيصلو ڪري ورتو آهي، زراعت واري وزير وڌيڪ چيوته اسان جي زرعي گريجوئيشن کي ضابطي طور ڪاروبار ۽ اسٽارٽ اپ لاءِ مالي مدد به ڪئي ويندي، محمد بخش چيوته سنڌ جي زراعت کاتي پاران ريسرچ سينٽر کي 43 عورتن کي ٽريڪٽر ۽ ٻين جديد زرعي مشينري جي استعمال ۽ سارسنڀال بابت تربيت ڏني وئي آهي ۽ عورتن کي لرننگ لائسنس به ڏنا ويا آهن، هن چيوته صوبي ۾ زرعي جنسن جي نقلي ڪمپنين جي خلاف سخت ڪارروائي ڪئي پئي وڃي.
