لنڊن (ويب ڊيسڪ)اڳوڻي وزيراعظم شهباز شريف پي ٽي آءِ چيئرمين جي سزا معطل ٿيڻ تي ردعمل ۾ چيو آهي ته لاڏلي جي سزا معطل ٿي آهي ختم نه ٿي آهي، گڊ ٽو سي يو ۽ وش يو گڊ لڪ جو پيغام هاءِ ڪورٽ تائين پهچي ويو، اعليٰ عدليه مان واضح پيغام ملي ته پوءِ ماتحت عدليه ٻيو ڇا ڪندي؟ پنهنجي ٽويٽ ۾ شهباز شريف چيو ته عدل جي نظام جو هي ڪردار تاريخ جي ڪاري باب ۾ لکيو ويندو هن چيو ته هڪ پاسي جهڪيل تارازي ۽ انصاف کي مجروح ڪندڙ عدل وارو نظام قبول ڪرڻ جوڳو نه آهي، گهڙي کپائيندڙ جي آڏو قانون بي وس آهي شهباز شريف چيو ته 9مئي، جڊيشل ڪامپليڪس تي حملو ۽ پوليس تي پيٽرول بمن جي برسات سڀ معاف ٿي ويا، چور ۽ رياستي دهشتگرد جي سهولتڪاري ٿيندي ته پوءِ عام ماڻهوءَ کي انصاف ڪٿان ملندو
