پشاور(ويب ڊيسڪ)سينيئر وڪيل80 سالن جي لالا لطيف آفريدي جي جنازي نماز حيات آباد جي باغ ناران ۾ ادا ڪئي وئي. جنازي کان اڳ پشاور هاءِ ڪورٽ جي چيف جسٽس قيصر رشيد سميت سياستدانن، وڪيلن ۽ ٻين معززين جي وڏي انگ جنازي ۾ شرڪت ڪئي. جنازي نماز ۾ پشاور جو ميئر زبير علي ۽ قانون وارو وفاقي وزير اعظم نذير تارڙ به موجود هئا.
At Latif Lala's Hujra for Fatiha with @Khushal_Khattak, @mjdawar and Afrasiab Khattak. pic.twitter.com/2Vv15eSFPH
— Zeeshan Khattak (@khattak) January 17, 2023
کيس هزارين آلين اکين سان مٽيءَ ماءُ حوالي ڪيو ويو. 1943 ۾ جنم وٺندڙ لالا عبدالطيف آفريدي پاڪستان ۾ کاٻي ڌر جي سياست ڪئي، مذهبي انتها پسندي جو مخالف هو. هن کي گذريل ڏينهن پشاور هاءِ ڪورٽ بار روم عدنان سميع الله آفريدي نالي نوجوان قتل ڪيو هو، کيس 6 گوليون لڳيون. جوابدار جو چوڻ آهي ته هو سندس مامي جي قتل ۾ ملوث هو کيس بدلي طور قتل ڪيو.
