اسلام آباد (بيورو رپورٽ) اسلام آباد هاءِ ڪورٽ پي ٽي آءِ اڳواڻ شاندانه گلزار کي سڀاڻي عدالت ۾ پيش ٿيڻ جو حڪم ڏئي ڇڏيو.اسلام آباد هاءِ ڪورٽ ۾ پي ٽي آءِ اڳواڻ شاندانه گلزار جي 3 ايم پي او تحت گرفتاري خلاف داخل درخواست تي ٻڌڻي ٿي.اسلام آباد هاءِ ڪورٽ جي جسٽس بابر ستار حڪم ڏنو ته شاندانه گلزار کي سڀاڻي عدالت ۾ پيش ڪيو وڃي.عدالت آءِ جي اسلام آباد کي به ڪالهه ذاتي حيثيت ۾ طلب ڪندي چيو ته جنهن پوليس آفيسر ضلعي مئجسٽريٽ کي ڄاڻ ڏني، ان کي به سڀاڻي عدالت ۾ پيش ڪيو وڃي.عدالت ڊي سي اسلام آباد کان ڪالهه تائين 3 مهينن جو ايم پي اوز جو رڪارڊ به طلب ڪري ورتو.
