ڪراچي: (اسٽاف رپورٽر) سوشل ميڊيا تي دوستي ڪرڻ کان پوءِ هڪ ڇوڪري کي اغوا ڪيو ويو، پر پوليس بروقت ڪارروائي ڪندي 20 سالن جي ڇوڪري کي بچايو. پوليس جو چوڻ آهي ته ڪارروائي دوران جوابدار شعيب کي به گرفتار ڪيو ويو آهي. جوابدار شعيب هڪ بنگلي تي ڊرائيور آهي. جوابدار 20 سالن جي مصباح سان سوشل ميڊيا تي دوستي ڪئي، جڏهن ته جوابدار ڪارن ۽ بنگلن جون تصويرون موڪلي پاڻ کي واپاري طور پيش ڪيو هو. جاچ اختيارين موجب، مصباح 20 مارچ تي بلديا علائقي مان گم ٿي وئي هئي. جوابدار اغوا ڪندڙ کي سونهري مستقبل جا خواب ڏيکاري ٺڳيو هو، جتي مبينا جوابدار شعيب کيس زبردستي زيادتي جو نشانو بڻايو. اختيارين چيو آهي ته واقعي جو ڪيس بلديا ٽائون پوليس اسٽيشن ۾ نامعلوم جوابدارن خلاف داخل ڪيو ويو آهي، جڏهن ته، ابتدائي طبي معائني ۾ تصديق ٿي آهي ته اغوا ٿيل سان زيادتي ڪئي وئي هئي. ان کان علاوه، جاچ اختيارين جو چوڻ آهي ته گرفتار ٿيل شڪي کان وڌيڪ پڇا ڳاڇا جاري آهي.
