ڪراچي (اسٽاف رپورٽر)سنڌ جي وڏي وزير سيد مراد علي شاهه چيو آهي ته پاڪستان جو سڀ کان وڏو ڊجيٽل لرننگ پروگرام سنڌ ۾ جاري آهي، ۽ ٽئين پارٽي جائزي پروگرام جي بهترين ڪارڪردگي جي تصديق ڪئي آهي.ڪراچي ۾ ايڪسيليريٽڊ ڊجيٽل لرننگ پروگرام جي تقريب کي خطاب ڪندي مراد علي شاهه چيو ته راند تي ٻڌل سکيا خواندگي ۽ انگن اکرن ۾ واضح بهتري جو سبب بڻي آهي.هن چيو ته آئين موجب، ٻارن کي تعليم ڏيڻ حڪومت جي ذميواري آهي، اسان کي هر اسڪول کان ٻاهر ٻار کي ڊجيٽل مائڪرو اسڪول ۾ شامل ڪرڻ جي ضرورت آهي.مراد علي شاهه چيو ته سنڌ ۾ ايڪسيليريٽڊ ڊجيٽل لرننگ پروگرام آگسٽ 2023 ۾ شروع ڪيو ويو هو، جنهن جو موضوع گڏجي ترقي ڏانهن وڌڻ، سنڌ کي متحرڪ ڪرڻ هو.هن چيو ته اي ڊي ايل پي جو مقصد ڏورانهن علائقن ۾ معياري تعليم تائين برابر رسائي کي يقيني بڻائڻ آهي، هر اسڪول کان ٻاهر ٻار کي ڊجيٽل مائڪرو اسڪول ۾ شامل ڪرڻ.مراد علي شاهه چيو ته اي ڊي ايل پي ۾ 53.49 سيڪڙو ڇوڪريون ۽ 46.51 سيڪڙو ڇوڪرا شامل آهن، ۽ پروگرام سڀئي مقصد، سنگ ميل ۽ ٽائم لائنون مڪمل ڪري چڪو آهي.
