مانسهره (ويب ڊيسڪ)داسو هائيڊرو پاور پراجيڪٽ تي ڪم ڪندڙ هڪ چيني ڪمپني جا ٽي ملازم اربع ڏينهن اپر ڪوهستان ضلعي ۾ هڪ ٽرڪ سنڌو درياهه ۾ ڪري پوڻ سبب فوت ٿي ويا. ريسڪيو 1122 جي ضلعي ايمرجنسي آفيسر ميان ظهير صحافين کي ٻڌايو ته “اسان درياءَ مان لاش ڪڍيا آهن ۽ انهن کي اسپتال منتقل ڪيو آهي.” چيني ڪمپني جي ملازمن کي کڻي ويندڙ گاڏي ڪاس ڪيمپ علائقي ۾ منصوبي جي تعميراتي سائيٽ ڏانهن سروي لاءِ وڃي رهي هئي ته ڊرائيور تيز موڙ تي گاڏي جو ڪنٽرول وڃائي ويٺو. نتيجي طور، ٽرڪ قراقرم هاءِ وي کان سلپ ٿي سنڌو درياهه ۾ ڪري پئي. مقامي رهواسين ۽ ريسڪيو 1122 جي اهلڪارن ٽنهي لاشن کي ڪڍي ضلعي هيڊ ڪوارٽر اسپتال منتقل ڪيو. چيني ڪمپني موجب، فوت ٿيلن جي سڃاڻپ مانسهره جي هڪ سروي ڪندڙ مددگار زبور حسين، هڪ سروي ڪندڙ عطاءُ الله ۽ ٽرڪ ڊرائيور معشوق الرحمان جي نالي سان ٿي آهي.
