حريم شاهه جي ميوزڪ وڊيو ”نخري باز“ سوشل ميڊيا تي مقبول

ڪراچي (ويب ڊيسڪ) ٽڪ ٽاڪ اسٽار حريم شاهه پنهنجي ٽوئٽر اڪائونٽ تي پنهنجي پهرين ميوزڪ وڊيو گانو “نخري باز” شيئر ڪيو آهي ۽ چيو آهي ته هي منهنجي پهرين ميوزڪ وڊيو آهي اميد آهي ته ماڻهن کي پسند ايندي ۽ ان مان گهڻو لطف اندوز ٿيندا. دراصل اها وڊيو هن وقت جي ناهي پر گذريل سال 6 آڪٽومبر 2019 تي اسلام آباد سان تعلق رکندڙ پنجابي گلوڪار ارباز آري جي يوٽيوب چينل تي لوڊ ڪئي وئي هئي. ميوزڪ البم به ارباز آري جو آهي جڏهن ته ان ۾ عورت سنگر ايش چغتائي ارباز سان گڏ پنهنجي آواز جو جادو جڳايو آهي. وڊيو ۾ حريم شاهه ۽ صندل خٽڪ ماڊلنگ ڪندي نظر اچي رهيون آهن. يوٽيوب تي هن وڊيو کي هن مهل تائين 1 لک 64 هزار کان وڌيڪ ڀيرا ڏٺو ويو آهي. گلوڪار ارباز ان کان اڳ به ميوزڪ البم رليز ڪري چڪو آهي جنهن ۾ ماڊل مٿيرا ماڊلنگ ڪندي نظر اچي رهي آهي.

پهنجو تبصرو موڪليو