لاهور (ويب ڊيسڪ)لاهور هاءِ ڪورٽ پبلڪ پراسيڪيوٽر کي جيل ۾ جوابدارن کي سهولتون فراهم ڪرڻ ۽ جوابدارن تي تشدد بابت ڪيس ۾ رپورٽ پيش ڪرڻ جو حڪم ڏئي ڇڏيو.لاهور هاءِ ڪورٽ جي چيف جسٽس عاليه نيلم جيل ۾ جوابدارن کي سهولتون فراهم ڪرڻ ۽ جوابدارن تي تشدد خلاف درخواست تي ٻڌڻي ڪئي.عدالت پبلڪ پراسيڪيوٽر کي لاهور جي جيلن ۾ موت ۽ تشدد بابت رپورٽ پيش ڪرڻ جو حڪم ڏئي ڇڏيو.درخواستگذار جي وڪيل عدالت ۾ دليل ڏيندي چيو ته معاملو تمام سادو آهي.ان تي چيف جسٽس عاليه نيلم چيو ته اهو معاملو سادو ناهي پر لاهور جي جيلن بابت ٻڌايو؟ ان تي درخواستگذار جي وڪيل عدالت کي ٻڌايو ته لاهور ۾ جيڪي به سياسي گرفتاريون ٿيون آهن انهن کي منهن تي ڪارا ڪپڙا پهريل پيش ڪيا ويا آهن، ماڻهن تي تشدد جو رڪارڊ درخواست سان ڳنڍيل آهي.
