ڪراچي(اسٽاف رپورٽر)قومي ٽيم جي اڳوڻي ڪپتان اظهر علي ڪرڪيٽ تان رٽائرمينٽ جو اعلان ڪري ڇڏيو آهي.ڪراچي ۾ پريس ڪانفرنس ڪندي اظهر علي چيو ته سڀاڻي ڪراچي ٽيسٽ ڪيريئر جي آخري ٽيسٽ هوندي.اظهر علي رٽائرمينٽ جو اعلان ڪندي پنهنجي سينيئرن ۽ ساٿين جو شڪريو ادا ڪندي حيران ٿي ويو.قومي ڪرڪيٽر چيو ته مداحن ڪرڪيٽ کي تمام گهڻو پيار ڏنو آهي جنهن تي مان سندن شڪرگذار آهيان، کين گذارش آهي ته پاڪستان ڪرڪيٽ کي اهڙي طرح سپورٽ ڪندا رهن.اظهر علي چيو ته هر شيءِ جي پڄاڻيءَ جو هڪ وقت هوندو آهي، چار پنج سال زخمين جو شڪار رهيس، منهنجي ڪيريئر لاءِ منهنجي خاندان تمام گهڻيون قربانيون ڏنيون، اميد آهي ته هاڻي کين ڪافي وقت ڏئي سگهندو.
