لاهور(ويب ڊيسڪ) فيڊرل بورڊ آف روينيو (ايف بي آر) ٽيڪس چورن خلاف سڄي ملڪ ۾ آپريشن شروع ڪرڻ جو فيصلو ڪيو آهي.ايف بي آر ذريعن موجب پهرين مرحلي ۾ لاهور ۽ ڪراچي سميت وڏن شهرن جي 11 هزار ماڻهن جي لسٽ تيار ڪئي وئي آهي، جنهن ۾ صنعتڪار، مل مالڪ، واپاري، پراپرٽي ڊيلرز ۽ ٻيا شامل آهن.ذريعن جو چوڻ آهي ته لسٽ ۾ شامل ماڻهو ڪاروبار جي رفتار سان ٽيڪس نيٽ ۾ شامل نه ٿيا ۽ ٽيڪس چورن خلاف ٺوس ثبوت موجود آهن جڏهن ته ٽيڪس نوٽيس تي هڪ هفتي اندر دستاويز جمع ڪرائڻا پوندا.
