ڪراچي (اسٽاف رپورٽر) سنڌ جي سينيئر وزير شرجيل ميمڻ اليڪٽرڪ ٽيڪسين جي حوالي سان چين آٽو موبائل ڪمپني جي اي سي ۽ ديوان موٽرز جي وفد سان ملاقات ڪئي. سنڌ حڪومت اليڪٽرڪ ٽيڪسيون شروع ڪرن لاءِ ڪوششون تيز ڪري ڇڏيون، صوبائي وزير شرجيل ميمڻ سان چيني آٽو موبائل ڪمپني جي اي سي ۽ ديوان موٽرز جي وفد جي ملاقات ٿي. ملاقات ۾ جي اي سي جي جنرل مئنيجر اليڪٽرڪ وهيڪلز تي بريفنگ ڏني ۽ سنڌ ۾ اليڪٽرڪ ٽيڪسيون متعارف ڪرائڻ لاءِ مختلف آپشنز تي خيالن جي ڏي وٺ ڪئي. شرجيل ميمڻ چيني ڪمپني کي سيڙپڪاري ۾ سهڪار جي خاطري ڪرائيندي چيو ته سنڌ حڪومت اليڪٽرڪ ٽيڪسين لاءِ انفرا اسٽرڪچر ۽ سهولتون ڏيندي. هن چيو ته سنڌ حڪومت سيڙپڪارن لاءِ سازگار ماحول يقيني بڻائيندي، نئين ٽيڪسي سروس شروع ٿيڻ سان روزگار جا موقعا به پيدا ٿيندا.
