پشاور (ويب ڊيسڪ) خيبرپختونخواهه جي ڪائونٽر ٽيررازم ڊپارٽمينٽ (سي ٽي ڊي) انتهائي گهربل دهشتگردن جي ٻي لسٽ جاري ڪري ڇڏي آهي.سي ٽي ڊي پاران جاري ڪيل لسٽ ۾ 30 دهشتگردن جا نالا ۽ تصويرون شامل آهن جن جو تعلق بنون، لڪي مروت، ڊي آءِ خان ۽ ٻين ضلعن سان آهي.لسٽ ۾ بنون ۽ لڪي مروت جا 13، 13 دهشتگرد شامل آهن، دهشتگردن جي سر جي قيمت 3 لک کان 50 لک رپيا مقرر ڪئي وئي آهي.سي ٽي ڊي ڪي پي جي موجوده لسٽ موجب لڪي مروت سان تعلق رکندڙ دهشتگرد حبيب الله جي سر جي قيمت 5 لک جڏهن ته بنون جي دهشتگرد ڪمانڊر مولوي نعمت الله جي سر جي قيمت 4 لک مقرر ڪئي وئي آهي.
