پشاور: (ويب ڊيسڪ) پاڪستان تحريڪ انصاف(پي ٽي آءِ) جي دور ۾ سرڪاري سوشل ميڊيا ٽيمن ذريعي وڏي پيماني تي پروپيگنڊا ڪرڻ جو انڪشاف ٿيو آهي.ان حوالي سان جاري ڪيل انگن اکرن ۾ ٻڌايو ويو آهي ته خيبرپختونخواهه جي بجيٽ ۾ انهي پراجيڪٽ جي لاڳت 870 ملين روپيه رکي وئي هئي. ساليانو ترقياتي پروگرام جي آڙ ۾ سوشل ميڊيا ٽيمن کي ناڪاري ڳالهيون پکيڙڻ جو ٽاسڪ ڏنو ويو.انگن اکرن موجب سوشل ميڊيا اڪائونٽس کي سياسي مقصد حاصل ڪرڻ لاءِ پروپيگنڊا مهم ۽ مس انفارميشن جي لاءِ استعمال ڪيو ويو. انگن اکرن موجب سوشل ميڊيا ٽيم ۾ شامل ملازمن جي پگهار 25 کان 40 هزار روپيه هئي. ۽ پي ٽي آءِ جي رياست مخالف پروپيگنڊا ۾ شامل اڳ کان موجود 800 اڪائونٽن جي تحقيق ڪئي وئي.ان حوالي سان فردوس عاشق اعواڻ ٻڌايو ته قوم ڏٺو ته جنهن کي اڳواڻ چونڊ ڪيو انهي رهزن بڻجي پئسن جو اجايو استعمال ڪيو. ڪي پي ڪي ۾ سوشل ميڊيا سينٽر بڻائي پي ٽي آءِ چيئرمين اي ڊي پي جي فنڊ کي استعمال ڪيو. جنهن جي ترقي لاءِ 870 ملين روپيه خرچ ڪيا ويا.هن چيو ته 30 کان 40 هزار پگهار تي نوجوانن کي پروپگينڊا ڪرڻ لاءِ نوڪريون ڏنيون ويون. 800 کان وڌيڪ جعلي اڪائونٽس ذريعي ملڪ جو سسٽم تباهه ڪرڻ جي ڪوشش ڪئي وئي. سرڪاري وسيلن سان پي ٽي آءِ جو ڪوڙو بيانيو پکيڙيو ويو ۽ رياستي ادارن کي سوشل ميڊيا تي جعلي اڪائونٽس سان نشانو بنايو ويوفردوس عاشق اعواڻ وڌيڪ چيو ته قوم جو پئسو قوم کي ڪمزور ڪرڻ جي لاءِ استعمال ڪيو ويو نوجوانن جي ذهنن کي بارود سان ڀريو ويو. سوشل ميڊيا ذريعي ٽاپ ٽرينڊ ۾ رهڻ پي ٽي آءِ چيئرمين جو اهم مشغلو هو. اسان سياسي ماڻهو آهيون پاڪستان لاءِ جيئڻ چاهيون ٿا پاڪستان جي لاءِ مرڻ چاهيون ٿا.
