لاهور (ويب ڊيسڪ)پنجاب صوبي ۾ گذريل 24 ڪلاڪن دوران ڊينگي وائرس جا 19 ڪيس سامهون آيا آهن.پنجاب جي صحت کاتي جي ترجمان موجب لاهور ۾ ڊينگي جا 3، راولپنڊي ۾ 14، گوجرانوالا ۽ لوڌران ۾ هڪ هڪ ڪيس سامهون آيو آهي.راولپنڊي جي صحت کاتي موجب گذريل 24 ڪلاڪن دوران راولپنڊي ۾ 14 ڄڻن ۾ ڊينگي وائرس جي تصديق ٿي آهي.ڊينگي جي متاثر مريضن جو مجموعي انگ 76 ٿي ويو آهي.بينظير ڀٽو اسپتال، هولي فيملي اسپتال ۽ ٻين اسپتالن ۾ 30 ڄڻا علاج هيٺ آهن.راولپنڊي جي صحت کاتي جو چوڻ آهي ته ڊينگي وائرس ۾ 49 سيڪڙو عورتون ۽ 51 سيڪڙو مرد متاثر ٿيا آهن، ڊينگي وائرس ۾ مبتلا هڪ مريض جي حالت نازڪ آهي.
