ڪراچي (اسٽاف رپورٽر)سنڌ جي وڏي وزير مراد علي شاهه شهيد صحافي نصرالله گڏاڻي جي قتل ڪيس جي جڊيشل انڪوائري ڪرائڻ جو حڪم ڏئي ڇڏيو،وڏي وزير پاران صوبائي گهرو وزير کي لکيل خط ۾ قتل ڪيس جي جڊيشل انڪوائري لاءِ گهربل سموريون قانوني گهرجون پوريون ڪرڻ جي هدايت ڪئي وئي،صحافين پاران شهيد نصرالله گڏاڻي جي قتل ڪيس جي عدالتي جاچ ڪرائڻ لاءِ وڏي وزير کي خط لکيو ويو هو، سڄي سنڌ ۾ صحافين جي احتجاج دوران به واقعي جي عدالتي جاچ ڪرائڻ جو مطالبو ڪيو ويو هو
