اسلام آباد(بيورو رپورٽ)پاڪستان تحريڪ انصاف جي چيئرمين جي وڪيل لطيف کوسا چيو آهي ته آئين تي عمل ناهي ٿي رهيو، ملڪ آئين کانسواءِ هلي رهيو آهي. پاڪستان تحريڪ انصاف جي چيئرمين جي ضمانت بابت ميڊيا سان ڳالهائيندي سندس وڪيل لطيف کوسا جو چوڻ آهي ته چالان پيش ٿئي ها ته اڄ پي ٽي آءِ چيئرمين جي ضمانت ٿي وڃي ها.هن چيو ته ايف آءِ اي اڄ به ڪيس جو چالان پيش ناهي ڪيو، پي ٽي آءِ چيئرمين جي جوڊيشل رمانڊ ۾ 14 ڏينهن جي واڌ ڪئي وئي آهي.لطيف کوسه چيو آهي ته چيئرمين پي ٽي آءِ اڊيالا آهي، لکت واري حڪم کانپوءِ کيس اڊيالا منتقل ڪيو ويندو، کيس هڪ ڏينهن به جيل ۾ رکڻ قوم جي توهين آهي، تحريڪ انصاف جي چيئرمين کي اڄ بري ٿيڻ گهرجي ها.چون ٿا ته ذوالفقار علي ڀٽو به راجا بازار ۾ هڪ صفحو وڄايو هو ته آمريڪا کيس ڌمڪيون ڏنيون هيون، ڀٽو صاحب به قوم کي هينري ڪسنجر جي خطري کان آگاهه ڪيو هو.لطيف کوسا جو چوڻ آهي ته سيفر جو ترجمو قومي سلامتي جي اجلاس ۾ سڀني وٽ هو، ڪابينا جي ميمبرن کي به سيفر جي ڪاپي ڏني وئي آهي، عدالتون حڪم ڏين ٿيون پر ان تي عمل ناهي ڪيو ويو.هن اهو به چيو ته پرويز الاهي کي ڪيترائي ڀيرا ضمانت ڏني وئي پر هو اڃا تائين گرفتار آهي.
