اسلام آباد)بيورو رپورٽ) سينيٽ ۾ مسلم ليگ ن جي سينيٽر عرفان صديقي پاران پيش ڪيل فلسطين سان يڪجهتي جي قرارداد جي منظوري ڏني وئي.سينيٽ ۾ پيش ڪيل قرارداد جي متن موجب هولوڪاسٽ کان پوءِ ڪنهن به رياست اهڙو قتل عام ۽ جنگي ڏوهه ناهي ڪيو.سينيٽ ۾ مسلم ليگ ن جي سينيٽر عرفان صديقي به غزه جي صورتحال تي ٺهراءُ پيش ڪيو.ان کان علاوه مسلم ليگ ن جي سينيٽر اسحاق ڊار به فلسطين بابت ٺهراءُ پيش ڪيو.قرارداد ۾ چيو ويو آهي ته فلسطيني رياست قائم ڪئي وڃي ۽ بيت المقدس کي ان جي گاديءَ جو هنڌ بڻايو وڃي، اسرائيلي جارحيت بند ڪئي وڃي ۽ جنگ بندي قائم ڪئي وڃي.سينيٽ جو اجلاس اڻڄاتل مدي تائين ملتوي ڪيو ويو.ان کان اڳ سينيٽ جي اجلاس ۾ پنهنجي راءِ جو اظهار ڪندي عرفان صديقي چيو ته اها افسوسناڪ صورتحال آهي، اسان فلسطن جي خدمت ڪرڻ کانسواءِ ڪجهه نٿا ڪري سگهون، امت مسلمه کي ڪٿي به نظر نه ٿو اچي.سينيٽر عرفان صديقي جو چوڻ آهي ته 2 ارب مسلمان آهن ۽ 57 اسلامي ملڪ آهن، او آءِ سي ۽ عرب ليگ ٺاهي وئي آهي، ڇا سبب آهي جو اسان جي آواز ۾ توانائي ناهي، اسان اسرائيل سان جنگ نٿا ڪري سگهون، ان جي توپن جو مقابلو ڪري سگهون ٿا.هن چيو ته سفارتي محاذ تي به ڪجهه نه ڪري سگهيا آهيون، غزه ۾ هر 10 منٽن تي هڪ ٻار شهيد ٿي رهيو آهي، عرب ليگ بيان جاري ڪندي چيو آهي ته ٻنهي طرفن کان حملا بند ٿيڻ گهرجن، ٻنهي طرفن کان حملا بند ٿيڻ گهرجن. عرب ليگ جو خيال آهي ته حماس جيڪو ڪيو آهي اهو اسرائيل سان مقابلو آهي، اسان جا حملا بيڪار رهيا.
