اسلام آباد(بيورو رپورٽ)پاڪستان پيپلز پارٽي جي اڳواڻ شيري رحمان صدر جي بيان تي رد عمل ڏيندي چيو آهي ته عارف علوي جو بيان صدر جو عهدو سنڀالڻ جي قابليت تي سواليه نشان آهي.پنهنجي هڪ بيان ۾ شيري رحمان چيو آهي ته هو چوڻ چاهين ٿا ته ڪنهن ٻئي جي نڪ هيٺان بل تي دستخط ڪري.شيري رحمان جو چوڻ آهي ته جيڪڏهن ائين آهي ته پوءِ صدر کي فوري طور تي عهدي تان استعيفيٰ ڏيڻ گهرجي، جيڪڏهن توهان جو عملو توهان سان متفق نه آهي ته پوءِ توهان کي صدارت ڇڏڻ گهرجي.هن چيو ته تحريڪ انصاف جي حڪومت ۾ اهي صدر هائوس کي آرڊيننس فيڪٽري بڻائيندا رهيا، ڇا پوءِ به ڪنهن ٻئي دستخط ڪري آرڊيننس واپس ڪرايو؟ هنن جو اهو به چوڻ آهي ته صدر عارف علوي پنهنجي وضاحتي بيان کانپوءِ هاڻي صدارت جو آئيني عهدو سنڀالڻ جو اهل ناهي رهيو.
