واشنگٽن (ويب ڊيسڪ)آمريڪا چيو آهي ته هو سعودي ولي عهد محمد بن سلمان جي پاڪستان دوري جي حمايت ڪري ٿو.آمريڪي پرڏيهي کاتي جي ترجمان ميٿيو ملر پريس بريفنگ ۾ چيو ته پاڪستاني چونڊن جي حوالي سان اسان جي موقف ۾ ڪا تبديلي ناهي آئي.هن چيو ته آمريڪا پاڪستان ۾ ڪنهن به سياسي پارٽي جي حمايت نٿو ڪري.آمريڪي پرڏيهي کاتي جي ترجمان ميٿيو ملر جو چوڻ آهي ته آمريڪي سفير ڊونلڊ بلوم مخالف ڌر جي اڳواڻ عمر ايوب ۽ ٻين سان ملاقات ڪئي جنهن ۾ معاشي سڌارن، انساني حقن، علائقائي سلامتي ۽ ٻطرفن لاڳاپن تي خيالن جي ڏي وٺ ڪئي وئي. ان کان علاوه هن چيو ته ايران ۽ پاڪستان ۾ ماضي ۾ محدود تڪرار رهيا آهن، خطي ۾ عدم استحڪام بابت ايران جا ارادا شڪي آهن.
