ڪراچي(اسٽاف رپورٽر)حضرت علي رضه جو يوم شهادت اڄ سڄي ملڪ ۾ عقيدت ۽ احترام سان ملهايو پيو وڃي. ڪراچي ۾ يوم علي جو جلوس 1:00 وڳي ٿيندو.جلوس ايم اي جناح روڊ، ريگل چوڪ، پريڊي اسٽريٽ کان ٿيندو حسينيه ايرانيان کھارادر تي شام 7 وڳي ختم ٿيندو.جلوس جي ڪلاڪن دوران ٽريفڪ کي گرمندر چوڪ کان ٻاهر وڃڻ جي اجازت نه ڏني ويندي، ناظم آباد کان ايندڙ ٽريفڪ کي لسبيلا چوڪ کان نشتر روڊ، لياقت آباد کان ايندڙ ٽريفڪ کي ٽن هٽي چوڪ کان جيل روڊ ڏانهن موڙيو ويندو.اسٽيڊيم روڊ کان ايندڙ ٽريفڪ کي نيو ايم اي جناح روڊ ۽ شاهراهه پاڪستان کان ايندڙ ٽريفڪ کي لياقت آباد نمبر 10 کان ناظم آباد ڏانهن وڃڻ جي اجازت هوندي.
