موهن جو دڙو (ن س) موهن جو دڙو ڀرسان جتوئي، چانڊيا ۽ موريا برادري جي ڌرين ۾ معمولي ڳالھه تان قتل ٿيل ڳوٺ بخش جتوئي واسي نظام الدين جتوئي جي خون جو نبيرو ٿيو، نئون آباد ڀرسان درگاهه انور شاهه جي گادينشين سيد زاهد شاهه جي سرپئنچي ۾ نبيرو ٿيو، چانڊيا موريا گڏيل ڌر مٿان 43 لک ڏنڊ مقرر ڪيو ويو، جڏھن ته ڌريون کير کنڊ ٿي ويون، واضح رهي ته 2 سال اڳ جتوئي ۽ چانڊيا موريا گڏيل ڌرين وچ ۾ معمولي ڳالھ تان جهيڙو ٿيو ھو، جتوئي ڌر جو نظام الدين جتوئي ڏنڊا لڳڻ سبب قتل ٿي ويو هو، نظام الدين جتوئي جو قتل چانڊيا ۽ موريا برادري ڌر مٿان ثابت ٿيو، سرپئنچ پاران 2 لک معاف ڪيا ۽ 2 لک چانڊيا موريا ڌر پاران تڏي تي ادا ڪيا، جڏھن ته چانڊيا موريا ڌر پاران 41 لک ڏنڊ جي رهيل رقم ٽن مهينن اندر جتوئي ڌر کي ادا ڪرڻ جي پابند هوندي، ان موقعي تي علي ڏنو گاڏھي، اظھر ڪماريو، شمن جوڻيجو، غلام شبير جتوئي، مظفر چانڊيو، عبيد جتوئي، صبحان جتوئي ۽ ٻيا موجود هئا.
