لاهور (ويب ڊيسڪ)سڌ سماءَ واري نگران وفاقي وزير مرتضيٰ سولنگي يقين ڏياريو آهي ته نگران حڪومت عام چونڊن جي حوالي سان اليڪشن ڪميشن سان سهڪار ڪندي.لاهور ۾ ميڊيا سان ڳالهائيندي سڌ سماءَ واري نگران وفاقي وزير مرتضيٰ سولنگي چيو ته صدر سڄي ملڪ جو صدر هوندو آهي. هو ڪنهن پارٽي جو صدر ناهي، مان کيس عرض ڪندس ته هو پنهنجي آئيني حيثيت جو احترام ڪن.بهتر ٿيندو ته رياست جو صدر ڪنهن پارٽي جو ترجمان نه بڻجي. ڪنهن به پارٽي جو ترجمان هجڻ سان صدر جي عزت گهٽجي ٿي، هو نٿا چاهين ته هو اچي.نگران وفاقي وزير وڌيڪ چيو ته توانائي جي متبادل ذريعن مان بجلي حاصل ڪرڻ تي ڌيان ڏنو پيو وڃي، مستقبل جي حڪومتن لاءِ ضروري آهي ته اها پاليسي جاري رکي، توانائي جي متبادل ذريعن تي وڌيڪ ڌيان ڏنو وڃي. گذريل حڪومت سولر مان بجلي پيدا ڪرڻ جو فيصلو ڪيو هو.مرتضيٰ سولنگي چيو ته مهانگي بجلي جي پيداوار عوام تي بار آهي، چين توانائي جي شعبي ۾ تمام گهڻي مدد ڪئي آهي.نگران سڌ سماءَ واري وفاقي وزير چيو ته اليڪشن ڪميشن جي موجوده قيادت انتهائي ذميوار ۽ باصلاحيت ماڻهن تي مشتمل آهي، نگران حڪومت عام چونڊن جي حوالي سان اليڪشن ڪميشن جي مدد ڪندي، اقتدار عوام جي چونڊيل نمائندن ڏانهن منتقل ڪيو ويندو. عام چونڊون ۽ تحفظات جمهوريت جو حصو آهن.
