ڪراچي: (اسٽاف رپورٽر) وڏي وزير مراد علي شاهه بجليءَ جا بل ادا نه ڪندڙ سرڪاري رهائشگاهن جي بجلي ڪاٽا ڪرڻ جو حڪم ڏئي ڇڏيو آهي، توانائي بابت اجلاس جي صدارت ڪندي وڏي وزير چيو ته حيسڪو ۽ سيپڪو جي علائقن ۾ جيتريون به رهائشي ڪالونيز آهن اهي پنهنجا بجليءَ جا بل ادا ڪن، جن سرڪاري رهائشگاهن ۽ عمارتن ۾ رهندڙ بل ادا نه ٿا ڪن انهن جي بجلي ڪاٽا ڪئي وڃي وڏي وزير پاران حيسڪو، سيپڪو ۽ ڪي اليڪٽرڪ جون سرڪاري ادارن ڏانهن رهتون آگسٽ ۾ ادا ڪرڻ جي هدايت به ڪئي، وڏي وزير توانائي واري وزير کي سرڪاري ادارن کي سولرائيز ڪرڻ جون هدايتون به ڏنيون
