راولپنڊي (ويب ڊيسڪ)راولپنڊي جي ضلعي عدالت اڳوڻي ايم پي اي چوڌري عدنان قتل ڪيس ۾ نامزد جوابدارن تي فرد جرم لاڳو ڪري ڇڏيو.راولپنڊي جي ڊسٽرڪٽ ڪورٽ ۾ ايڊيشنل ڊسٽرڪٽ اينڊ سيشن جج راجا فيصل رشيد اڳوڻي ايم پي اي چوڌري عدنان قتل ڪيس جي ٻڌڻي ڪئي، جنهن دوران جوابدار ايم اين اي دانيال چوڌري، اسامہ چوڌري ۽ چنگيز خان پيش ٿيا.جوابدار جنيد حسين کي اڊيالا جيل مان مقامي عدالت ۾ پيش ڪيو ويندو.عدالت ايم اين اي دانيال چوڌري، اسامہ چوڌري، چنگيز خان ۽ محمد ظهور تي فرد جرم لاڳو ڪري ڇڏيو.بعد ۾ عدالت جوابدارن جي وڪيل جي پيش نه ٿيڻ سبب ڪيس جي ٻڌڻي 17 سيپٽمبر تائين ملتوي ڪري ڇڏي.
