لاهور: (ويب ڊيسڪ) پنجاب جي وزيراعليٰ مريم نواز چيو آهي ته صوبي ۾ اٽي جي کوٽ پيدا نه ٿيندي نه ئي وري ماني مهانگي ٿيندي. هن فلورملز ايسوسيئسيشن جي هڙتال ختم ڪرڻ واري اعلان جي آجيان ڪندي چيو ته ايسوسيئيشن ود هولڊنگ ٽيڪس لاڳو ڪرڻ خلاف پنجاب ۾ هڙتال نه ڪندي. مريم نواز پنجاب ۾ هڙتال نه ڪرڻ جي فيصلي تي ايسوسيئيشن جي چيئرمين ۽ ٻين اڳواڻن جو ٿورو ادا ڪيو. هن چيو ته اٽو ۽ ماني مهانگي ٿيڻ جو نقصان صرف غريب کي ٿيندو. پنجاب جي وزيراعليٰ وڌيڪ چيو ته جائز خدشا ۽ مسئلن جي حل لاءِ ڀرپور ڪردار ادا ڪندس جائز مسئلن جي حل لاءِ هڙتال ڪرڻ جي ضرورت نه آهي.
