ڪراچي (ويب ڊيسڪ) پي ٽي وي جي ڪلاسيڪل ڊرامن ۾ پنهنجي يادگار اداڪاري ذريعي شهرت حاصل ڪندڙ مشهور پاڪستاني اداڪاره شگفته اعجاز، ڪراچي شهر بابت پنهنجي راءِ جو کليل اظهار ڪيو آهي.تازو ئي شگفته اعجاز هڪ خانگي ٽي وي چينل تي هڪ شو ۾ شرڪت ڪئي، جتي هن مختلف مسئلن تي ڳالهائيندي ڪراچي بابت پنهنجي غير جانبدار راءِ جو اظهار ڪيو.هڪ سوال جي جواب ۾ ته جيڪڏهن توهان کي ڪراچي کي هڪ جملي ۾ بيان ڪرڻو پوندو ته توهان ڇا چوندا؟ اداڪاره صرف هڪ لفظ استعمال ڪيو ۽ چيو، “گندو.” وضاحت ڪندي، هن چيو ته مان ڪراچي بابت اهو چئي رهي آهيان ڇاڪاڻ ته اهو منهنجي دل جو معاملو آهي، هي منهنجو شهر آهي، مان هتي رهندي آهيان، ان ڪري مون فوري طور تي توهان کي ان بابت شڪايت ڪئي.اداڪاره چيو ته ڪراچي جي موجوده صورتحال کي ڏسي مون کي ڪاوڙ اچي رهي آهي.هن لاڳاپيل اختيارين کان مطالبو ڪيو ته ڪراچي جي روڊن کي درست ڪيو وڃي، انهن جي تعمير ۽ بهتري تي ڌيان ڏنو وڃي ته جيئن هنگامي حالتن ۾ بهتر آمدورفت کي يقيني بڻائي سگهجي.سوشل ميڊيا استعمال ڪندڙن جو هڪ وڏو انگ شگفته اعجاز جي راءِ سان متفق نظر آيو، جڏهن ته، ڪجهه ماڻهن سندس واضح موقف کي ناپسند به ڪيو.
