ڪراچي (اسٽاف رپورٽر) رينجرز هڪ دهشتگرد کي گرفتار ڪيو آهي جيڪو ڪراچي ۾ دهشتگردي لاءِ هڪ گروپ منظم ڪري رهيو هو.رينجرز ترجمان موجب، رينجرز ۽ سي ٽي ڊي سائيٽ ايريا ۾ آپريشن ڪيو ۽ گهربل دهشتگرد کي گرفتار ڪيو. گرفتار ٿيل دهشتگرد، نور عالم عرف وفادار، جو تعلق فتنہ الخوارج سان آهي، جنهن جي قبضي مان هٿيار ۽ ڌماڪيدار مواد پڻ هٿ ڪيو ويو آهي.گرفتار ٿيل دهشتگرد 2014 ۾ فتنہ الخوارج جي مفتي نور ولي جي گروپ ۾ شامل ٿيو هو.دهشتگرد ڏکڻ وزيرستان ۾ سيڪيورٽي فورسز جي چيڪ پوسٽن تي حملن ۾ پڻ ملوث آهي.گرفتاري کان پوءِ، ملزم اعتراف ڪيو آهي ته هن 2021 ۾ پنهنجن ساٿين سان گڏ ليويز چيڪ پوسٽ تي حملو ڪيو هو، جنهن ۾ 6 ليويز اهلڪارن کي اغوا ڪيو ويو هو جڏهن ته جوابي ڪارروائي ۾ 2 ساٿي مارجي ويا هئا.دهشتگرد وزيرستان ۾ سيڪيورٽي فورسز جي رستي تي ڪيترائي آئي اي ڊي لڳائڻ جو به اعتراف ڪيو آهي.ترجمان موجب گرفتار ٿيل دهشتگرد ڏکڻ وزيرستان جو رهواسي آهي ۽ ڪجهه وقت کان ڪراچي ۾ لڪيل هو ۽ شهر ۾ دهشتگرد ڪاررواين لاءِ پنهنجي گروپ کي منظم ڪري رهيو هو.
