ڊي آءِ خان )ويب ڊيسڪ)ڊيرا اسماعيل خان ۾ پوليس موبائيل تي دهشتگرد حملي ۾ ٽي پوليس آفيسر شهيد ٿي ويا.پوليس موجب، دهشتگردن پنيالا علائقي ۾ ڊگري ڪاليج جي ويجهو روڊ تي هڪ آءِ اي ڊي نصب ڪيو هو. پوليس موبائيل جي پهچڻ تي آءِ اي ڊي ڌماڪو ٿيو.پوليس ترجمان چيو ته ڌماڪي کان پوءِ دهشتگردن پوليس آفيسرن تي فائرنگ ڪئي، ۽ حملي ۾ هڪ اي ايس آءِ سميت ٽي پوليس آفيسر شهيد ٿي ويا.پوليس چيو ته حملي کان پوءِ دهشتگرد واقعي واري هنڌ تان فرار ٿي ويا. علائقي کي گهيري ۾ آڻي سرچ آپريشن شروع ڪيو ويو آهي. شهيد آفيسرن جا لاش ڊي ايڇ ڪيو اسپتال منتقل ڪيا ويا آهن.وفاقي گهرو وزير محسن نقوي ڊيرا اسماعيل خان ۾ پوليس گاڏي تي فتنہ الخراج جي حملي جي مذمت ڪئي ۽ ٽن پوليس آفيسرن کي خراج تحسين پيش ڪيو جن پاڻ کي قربان ڪيو.محسن نقوي شهيد اي ايس آءِ گل عالم، ڪانسٽيبل رفيق ۽ سخي جان جي خاندانن سان دلي همدردي ۽ تعزيت جو اظهار ڪيو، خيبرپختونخوا پوليس جي بهادر پٽن جي قرباني کي سلام پيش ڪيو ۽ چيو ته اسان ڪي پي پوليس جي قربانين جي تعريف ڪريون ٿا، اسان جي بهادر سپاهين جون قربانيون ضايع نه وينديون.
