لاهور: (ويب ڊيسڪ) پنجاب اسيمبلي ۾ 27 هين آئيني ترميم جي حق ۾ قرارداد جمع ڪرائي وئي آهي.هي قرارداد پاڪستان مسلم ليگ (ن) جي ميمبر اسيمبلي حنا پرويز بٽ پاران جمع ڪرائي وئي هئي.قرارداد جي متن موجب، هي ايوان 27 هين آئيني ترميم جي مڪمل حمايت ڪري ٿو ۽ ان کي ادارتي استحڪام ۽ شفافيت جي ضمانت سمجهي ٿو. هي ايوان زور ڏئي ٿو ته مقامي حڪومت کي آئيني تحفظ فراهم ڪيو وڃي ته جيئن ڪو به مقامي حڪومتي نظام کي نقصان نه پهچائي سگهي.متن ۾ چيو ويو آهي ته ايوان آئيني عدالت قائم ڪرڻ جي فيصلي جو به استقبال ڪيو ۽ چيو ته ترميم عدليه جي آزادي ۽ غير جانبداري کي وڌيڪ مضبوط ڪندي. هي ايوان تسليم ڪري ٿو ته ترميم صوبائي خودمختياري ۽ وفاقي توازن کي مضبوط ڪندي، جڏهن ته اليڪشن ڪميشن کي وڌيڪ آزاد ۽ اثرائتو ادارو بڻايو پيو وڃي.قرارداد ۾ تسليم ڪيو ويو ته هي ترميم انقلاب نه پر هڪ ادارتي ارتقا آهي ۽ آئيني سڌارن لاءِ پاڪستان جي وزيراعظم کي خراج تحسين پيش ڪيو ويو.ايوان پنهنجي عزم جو اظهار ڪندي چيو ته 27 هين آئيني ترميم پاڪستان جي ادارن جي مضبوطي ۾ هڪ سنگ ميل ثابت ٿيندي.
