اسلام آباد (بيورو رپورٽ) صدر کانپوءِ وزيراعظم به فوجداري ڪيسن کان ڇوٽ جي ترميم ڪميٽي ۾ پيش ڪري ڇڏي. ذريعن موجب ترميم حڪومتي ميمبرن سينيٽر انوشا رحمان ۽ سينيٽر ظاهر خليل سنڌو گڏيل اسٽينڊنگ ڪميٽي ۾ پيش ڪئي. ذريعن جو چوڻ آهي ته ترميم تحت آئين جي آرٽيڪل 248 ۾ صدر سان گڏ لفظ وزيراعظم به شامل ڪيو ويندو. ترميم جي منظوري کانپوءِ وزيراعظم خلاف به مدي دوران فوجداري ڪيسن جي ڪارروائي نه ٿي سگهندي.
