ڪراچي (اسٽاف رپورٽر) سنڌ جي وڏي وزير مراد علي شاهه ڪراچي ۾ ڊينش سفير ماجا ڊيرس مورٽينسن سان ملاقات ڪئي، جتي انهن سنڌ ۽ ڊينمارڪ جي وچ ۾ ٻطرفي لاڳاپن، سيڙپڪاري جي موقعن ۽ ماحولياتي تحفظ تي تفصيلي ڳالهه ٻولهه ڪئي.ملاقات دوران صاف ۽ قابل تجديد توانائي، خاص طور تي ونڊ انرجي منصوبن جي فروغ تي پڻ ڳالهه ٻولهه ڪئي وئي.سنڌ جي وڏي وزير چيو ته صوبي ۾ سستي بجلي جي منصوبن تي ڪم جاري آهي، سنڌ حڪومت پنهنجي ٽرانسميشن ڪمپني ذريعي بجلي جي نظام کي بهتر بڻائي رهي آهي.مراد علي شاهه چيو ته بجلي جي قيمتن کي لائن لاسز کي گهٽائي گهٽائي سگهجي ٿو، جڏهن ته سنڌ ۾ ونڊ انرجي شعبي ۾ علائقي جو هڪ اهم مرڪز بڻجڻ جي صلاحيت آهي.ٻئي طرف، ڊينش سفير سنڌ ۾ گرين انرجي منصوبن ۾ گهري دلچسپي جو اظهار ڪيو ۽ تعاون وڌائڻ تي اتفاق ڪيو.
