راولپنڊي(ويب ڊيسڪ) قومي ڪرڪيٽ ٽيم جي اڳوڻي ڪپتان شعيب ملڪ نوجوان ڪرڪيٽر وسيم ايوب کي ٽيم جو حصو بڻائڻ لازمي قرار ڏئي ڇڏيو آهي.راولپنڊي ۾ ميڊيا سان ڳالهائيندي شعيب ملڪ چيو ته صائم ايوب کي ضايع نه ڪيو وڃي. هو هڪ جارحانه بيٽسمين آهي جنهن کي ٽنهي فارميٽ کيڏڻ گهرجي. اوپن ڪو به ڪري سگهي ٿو، پر صائم ايوب کي ٽيم ۾ ضرور هئڻ گهرجي.اهي ناڪام ٿي سگهن ٿا پر انهن کي هڪ موقعو ڏنو وڃي.هن چيو ته سڄي دنيا جون ٽيمون جديد دور ۾ ڪرڪيٽ کيڏي رهيون آهن، اسان کي پاڪستاني ڪرڪيٽ کي انهن ٽيمن جي معيار تي وٺي وڃڻو آهي، پاڪستان ۾ هر قسم جي حالتن جون پچون آهن، ملڪ جي هر جڳهه تي ڊوميسٽڪ ڪرڪيٽ کيڏڻ گهرجي.ان موقعي تي اڳوڻي ڪپتان مصباح الحق چيو ته چيمپيئنز ٽي 20 ڪپ کانپوءِ خبر پوندي ته ڪهڙا رانديگر لائم لائٽ ۾ اچن ٿا، ايونٽ جو انعقاد انٽرنيشنل ۽ ڊوميسٽڪ ڪرڪيٽ وچ ۾ فرق گهٽائڻ لاءِ ڪيو پيو وڃي.هن چيو ته رانديگرن جو تجربو حاصل ڪرڻ انتهائي معنيٰ وارو آهي، رانديگرن تي دٻاءُ وڌيڪ هوندو آهي جڏهن کين گهٽ موقعا ملندا آهن.
