اسلام آباد ( بيورو رپورٽ)سينيٽ جي چيئرمين ۽ ڊپٽي چيئرمين جي چونڊ دوران الزام لڳايو ويو آهي ته پولنگ اسٽيشنن تي ڪئميرا نصب ڪيا ويا آهن سينيٽ جو چيئرمين ۽ ڊپٽي چيئرمين حڪومت کان ٿيندو يا اپوزيشن اهو فيصلواڄ ٿيندو پر اليڪشن کان اڳ ، مخالف ڌر جي سينيٽرن پولنگ اسٽيشنن تي 2 ڪيمرا لڳائڻ جو حڪومت تي الزام لڳايو آهي.مسلم ليگ (ن) جي سينيٽر مصدق ملڪ ۽ پاڪستان پيپلزپارٽي جي مصطفيٰ نواز کوکر چيو آهي ته پولنگ اسٽيشن تي ٻه ڪيمرا نصب ڪيا ويا آهن. هڪ ڪيمرا جو ووٽر جي ڇهري تي ۽ ٻئي ڪيمرا جوبيلٽ پيپر ڏانهن رخ هو.
سينيٽر مصطفيٰ کوکر چيو ته سيڪريٽري سينيٽ توهان جي ذميواري آهي ته پولنگ بوٿ جي پويان ڪئميرا نه هجڻ گهرجي.مصطفيٰ نواز کھوکھر پولنگ بوٿ جي اندر لڪيل ڪئميرا جي تصوير پڻ سوشل ميڊيا تي شيئر ڪئي جڏهن ته اپوزيشن پاڻ ئي پولنگ بوٿ کي اکاڙي ڇڏيو بعد ۾ پارليامينٽ هائوس جي ٻاهران ميڊيا سان ڳالهه ٻولهه ڪندي مصدق ملڪ چيو ته اها وڏي بدقسمتي آهي ته پولنگ بوٿ جي اندر لڪيل ڪئميرا نصب ڪيا ويا ۽ اهو عمل ثابت ڪري ٿو ته عمران خان ڪهڙي قسم جي شفاف چونڊ چاهي ٿو.مصدق ملڪ چيو ته جنهن اهو ڪم ڪيو هو نه ايماندار هو ۽ نه ئي قابل اعتماد هو ۽ اهو عمل سپريم ڪورٽ جي حڪم جي پڻ خلاف ورزي آهي جنهن ۾ سپريم ڪورٽ چيو ته سينيٽ جي اليڪشن آئين جي آرٽيڪل 226 جي مطابق هجڻ گهرجي.سينيٽر مصطفيٰ نواز کھوکھر چيو ته رات جي اونداهي ۾ اهي ڪئميرا ڪنهن نصب ڪيون ان بابت مڪمل تحقيق ٿيڻ گهرجي. سائنس ۽ ٽرڪنالاجي واري وزير فواد چوڌري چيو ته ڪيمرا لڳائڻ غيرقانوني آهي ان جي جاچ ٿيڻ گهرجي.
