ڪراچي(رپورٽ باعي ساگر پنهوار)اطلاعات واري وزير شرجيل انعام ميمڻ ٻڌايو آهي ته غير قانوني طور آيل 297 افغان مهاجر عورتون ۽ ٻارڙا سنڌ جي جيلن ۾ قيد آهن. اها ڳالهه هن خوارڪ واري وزير مڪيش ڪمار چاولا ۽ جيلن بابت وڏي وزير جي مشير اعجاز جکراڻي سان گڏيل پريس ڪانفرنس ۾ ٻڌائي. گذريل ڏينهن لانڍي جي ٿاڻي جي لاڪ اپ ۾ سلاخن پويان عورتن سان گڏ قيد ٻارڙن جي مسڪراهٽن واري تصوير سوشل ميڊيا تي وائرل ٿيڻ بعد سنڌ حڪومت تي ٿيل ڇتي تنقيد جو جواب ڏيندي اها پريس ڪانفرنس ڪري وضاحت پيش ڪئي وئي. هن ٻڌايو ته صوبي ۾ 129 افغان مهاجر عورتون جيلن ۾ آهن، جن سان گڏ 178 ٻار آهن. هن اصرار ڪيو ته نابالغ ٻار گرفتار نه ڪيا ويا آهن. هن چيو ته قانون مطابق ستن سالن کان گهٽ عمر جو ٻار پنهنجي ماءُ سان گڏ جيل ۾ رهي سگهي ٿو. ميمڻ چيو ته وائرل ٿيل تصوير سنڌ جي ڪنهن به جيل جي ناهي.
This treatment is inhumane. Unfortunately Afghans have been relegated to sub-human levels in this country since the last four decades. Strongly condemn these gross human rights violations. The government of Sindh should be ashamed of its repeated mistreatment of Afghan refugees. pic.twitter.com/WlZIuYCEfh
— Mohsin Dawar (@mjdawar) December 29, 2022
هن چيو ته مان هڪ ڀيرو ٻيهر ٻڌايان ٿو ته اها تصوير سنڌ جي ڪنهن جيل جي ناهي. ”مان ورجائي رهيو آهيان ته سنڌ ۾ اهڙو ڪو به جيل ناهي جتي اها تصوير ورتي وئي هجي. ”ڪو به ٻار حڪومت جي ڪري جيل ۾ ناهي. جڏهن به انهن کي گرفتار ڪيو ويندو آهي، ايف آءِ اي (وفاقي جاچ ايجنسي) انهن کي عدالت ۾ وٺي ويندي آهي. ميمن چيو ته عدالت ٻارن کي جيل ۾ ماءُ سان گڏ رهڻ جي اجازت ڏني هئي. هن چيو ته جيڪڏهن ڪو به غيرقانوني طور ايندو ته قانون حرڪت ۾ ايندو، هن وقت ڪيترائي افغاني، بنگالي ۽ نائيجيرين جيلن ۾ آهن. هن چيو ته 129 عورتن مان 75 انڊر ٽرائل آهن ۽ 54 کي عدالتن 2 مهينا قيد جي سزا ڏني آهي. هن ان موقعي تي هڪ ويڊيو به صحافين کي ڏيکاري جنهن ۾ جيل ۾ قيد عورتن جا ٻار ڪتاب پڙهي رهيا آهن. هن چيو ته جنوري ۾ هنن جون سزا ئون پوريون ٿينديون جنهن بعد کين ڊيپورٽ ڪيو ويندو. هن چيو ته قيدين کي خوراڪ، دوائون هر شئي ملي رهي آهي. ٽوئٽر تي وائرل ٿيل تصويرن بعد گڏيل قومن جي پناهگيرن بابت ڪمشنر افسوس ظاهر ڪندي کين قانون مطابق سلوڪ ڪرڻ تي زور ڀريو هو. قيد افغان عورتن جي وڪيل ثمر عباس سنڌ حڪومت جو موقف رد ڪندي چيو ته اها تصوير سٽي ڪورٽ جي بخشي خاني جي آهي.
