ڪراچي: (اسٽاف رپورٽر) سنڌ حڪومت گرمي جي موڪلن جو اعلان ڪري ڇڏيو آهي. سنڌ جي تعليم کاتي موجب اسڪولن ۾ گرمي جون موڪلون پهرين جون کان 31 جولاءِ تائين هونديون. اختيارين ٻڌايو ته فيصلو سمورن نجي ۽ سرڪاري اسڪولن تي لاڳو هوندو. ياد رهي ته پنجاب حڪومت به اسڪولن ۾ گرمي جي 3 مهينن جي موڪلن جو اعلان ڪري ڇڏيو آهي. پنجاب جي تعليم واري وزير رانا سڪندر حيات موڪلن جو اعلان ڪندي ٻڌايو ته پنجاب ۾ گرمي جون موڪلون 22 مئي جمعي جي ڏينهن کان شروع ٿينديون. پنجاب جي تعليم واري وزير چيو ته گرمين جي موڪلن کان پوءِ اسڪول 24 آگسٽ تي کوليا ويندا.
