اسلام آباد(بيورو رپورٽ) قومي اسيمبلي ۾ پاڪستان آرمي ايڪٽ، پاڪستان ايئر فورس ايڪٽ ۽ پاڪستان نيوي ايڪٽ ۾ ترميمون منظور ڪيون ويون آهن.پاڪستان آرمي ايڪٽ، پاڪستان ايئر فورس ايڪٽ ۽ پاڪستان نيوي ايڪٽ ۾ ترميم جا بل دفاع واري وزير خواجه آصف قومي اسيمبلي ۾ پيش ڪيا.آرمي ايڪٽ، ايئر فورس ايڪٽ ۽ پاڪستان نيوي ترميمي بل قومي اسيمبلي مان منظور ڪيا ويا جڏهن ته اپوزيشن ان جي مخالفت ڪئي.قانون واري وزير اعظم نذير تارڙ چيو ته آرمي چيف هاڻي ڊفينس فورسز جو سربراهه به هوندو ۽ عهدي جي مدت 5 سال هوندي.هن ٻڌايو ته چيئرمين جوائنٽ چيفس آف اسٽاف ڪميٽي جو عهدو ختم ڪيو ويو آهي.
سپريم ڪورٽ پريڪٽس اينڊ پروسيجر ترميمي بل اڪثريتي ووٽ سان منظور
قومي اسيمبلي ۾ سپريم ڪورٽ پريڪٽس اينڊ پروسيجر ترميمي بل اڪثريتي ووٽ سان منظور ڪيو ويو. هي بل قانون واري وزير اعظم نذير تارڙ پيش ڪيو.ياد رهي ته ان کان اڳ وفاقي ڪابينا ٽنهي سروسز ايڪٽ ۾ ترميمن جي منظوري ڏني هئي.اعلان موجب، وزيراعظم شهباز شريف جي صدارت هيٺ وفاقي ڪابينا جي اجلاس ۾ پاڪستان آرمي ايڪٽ، پاڪستان ايئر فورس ايڪٽ ۽ پاڪستان نيوي ايڪٽ ۾ ترميمن جي منظوري ڏني وئي.اعلان ۾ چيو ويو آهي ته ترميمن جو مقصد پاڪستان جي هٿياربند فوجن سان لاڳاپيل قانونن کي 27 هين آئيني ترميم سان هم آهنگ ڪرڻ آهي.اعلان موجب، ترميمن جي تحت، موجوده چيئرمين جي رٽائرمينٽ کان پوءِ چيئرمين جوائنٽ چيفس آف اسٽاف ڪميٽي جو عهدو ختم ٿي ويندو.اعلان ۾ چيو ويو آهي ته فيلڊ مارشل، مارشل آف دي ايئر فورس، ايڊمرل آف دي فليٽ جا عهدا پڻ انهن قانونن ۾ شامل ڪيا ويا آهن.ان کان علاوه، وفاقي ڪابينا وفاقي آئيني عدالت (طريقيڪار ۽ عمل) ايڪٽ، 2025 جي مسودي جي به منظوري ڏني.وفاقي ڪابينا 7 نومبر 2025 تي اقتصادي رابطا ڪميٽي جي اجلاس ۾ ڪيل فيصلن جي به توثيق ڪئي.
