لنڊن(ويب ڊيسڪ)برطانوي ماهرن دعويٰ ڪئي آهي ته هن 13 سالن جي ڇوڪري جي جينياتي ڪوڊ ۾ ڦيرڦار ڪري ڪينسر جو ڪامياب علاج ڪيو آهي. اها ڇوڪري جنهن جو جينياتي ڪوڊ تبديل ڪيو ويو هو، ڪيموٿراپي ۽ بون ميرو ٽرانسپلانٽ جي باوجود صحتياب نه ٿي، جنهن کانپوءِ سائنسدانن آخري طريقي سان سندس ڊي اين اي جا چار ڪوڊ ايڊٽ ڪري تبديل ڪيا. ’بي بي سي‘ موجب برطانوي ماهرن بلڊ ڪينسر ۾ مبتلا 13 سالن جي ڇوڪري جو جينياتي ڪوڊ تبديل ڪيو، جنهن کانپوءِ ان جو ٻيو بون ميرو ٽرانسپلانٽ ڪيو ويو، جنهن کانپوءِ ڇوڪريءَ جي ڪينسر جون علامتون ختم ٿي ويون.
